Пагавары са мной на мове,
На нашай роднай, не чужой.
Адчуеш ты — у кожным слове
Душа яднаецца з душой.
Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І мы, беларусы, не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.
Вельмі цікава і займальна, ў рамках тыдня беларускай мовы і літаратуры, 21 лютага прайшло святкаванне Дня роднай мовы ў МДСПТВ №2. Вучні, настаўнікі, выкладчыкі і іншыя супрацоўнікі вучылішча прайшлі рэгістрацыю і далучыліся да напісання Рэспубліканскай дыктоўкі па беларускай мове, прымеркаванай да Міжнароднага дня роднай мовы і Года міру і стваральнай працы, якая была агранізавана па спасылцы на анлайн трансляцыю youtube канала Інстытута мовазнаўства імя Якуба Коласа.
